ਪਿੰਡਾਂ ਵਿੱਚ ਵਿਕਸਿਤ ਕਿਉਂ ਨਹੀਂ ਹੋ ਰਿਹਾ 'ਇੰਟਰਨੈੱਟ'
- ਜਰਨੈਲ ਘੁਮਾਣ
ਪਿਛਲੇ ਕੁੱਝ ਕੁ ਵਰ੍ਹਿਆਂ ਵਿੱਚ ਹੀ ਮੋਬਾਇਲ ਫੋਨ ਤੇ ਇੰਟਰਨੈੱਟ ਵਰਗੇ ਅਤਿ ਆਧੁਨਿਕ ਸੰਚਾਰ ਸਾਧਨਾਂ ਵਿੱਚ ਬੇਜੋੜ ਤਬਦੀਲੀਆਂ ਤੇ ਤਰੱਕੀਆਂ ਹੋਈਆਂ ਹਨ । ਲੱਗਦਾ ਹੈ ਕਿ ਅਸੀਂ ਸੱਚਮੁੱਚ ਹੀ ਦੁਨੀਆਂ ਮੁੱਠੀ ਵਿੱਚ ਕਰ ਲਈ ਹੋਵੇ । ਪੂਰੀ ਦੁਨੀਆਂ ਦੇ ਨਾਲ ਨਾਲ ਇੰਟਰਨੈੱਟ ਨੇ ਆਪਣਾ ਪਸਾਰਾ ਪੰਜਾਬ ਦੇ ਪਿੰਡਾਂ ਤੀਕ ਕਰ ਲੈਣ ਵਿੱਚ ਮਾਅਰਕਾ ਮਾਰ ਲਿਆ ਸੀ । ਪਰ ਛੇਤੀ ਹੀ ਇਸਦੇ ਨਾਂਹ ਪੱਖੀ ਪ੍ਰਭਾਵ ਨੇ ਪਿੰਡਾਂ ਦੇ ਸਭਿਅਕ ਮਨੁੱਖਾਂ ਨੂੰ ਇੱਕ ਕੰਬਣੀ ਜੇਹੀ ਛੇੜ ਦਿੱਤੀ ਕਿ ਇਹ ਤਾਂ ਸਾਡੇ ਬੱਚਿਆਂ ਨੂੰ 'ਅਸ਼ਲੀਲਤਾ ਦੀ ਦਲਦਲ' ਰੂਪੀ ਡੂੰਘੀ ਖਾਈ ਵਿੱਚ ਧਕੇਲ ਦਿੱਤੇ ਜਾਣ ਦਾ ਇੱਕ ਮਾਤਰ ਸਾਧਨ ਹੀ ਹੈ । ਇਸੇ ਧਾਰਨਾ ਨੇ ਪੰਜਾਬ ਦੇ ਪਿੰਡਾਂ ਵਿੱਚ ਵੱਸਦੇ ਲੋਕਾਂ ਦਾ ਇਸ ਆਧੁਨਿਕ ਸੁਵਿਧਾ ਤੋਂ ਮੋਹ ਭੰਗ ਹੋਣ ਦਾ ਰਸਤਾ ਖੋਲ੍ਹ ਦਿੱਤਾ । ਵੇਂਹਦਿਆਂ ਵੇਂਹਦਿਆਂ ਹੀ ਪੰਜਾਬ ਦੇ ਪੇਂਡੂ ਘਰਾਂ ਵਿੱਚ ਚਲਦੇ ਇੰਟਰਨੈੱਟ ਕੁਨੈਕਸ਼ਨਾਂ ਦੇ ਪੰਜਾਹ ਫੀਸਦੀ ਕੂਨੈਕਸ਼ਨਾਂ ਦੇ ਕਟਾ ਦਿੱਤੇ ਜਾਣ ਕਰਕੇ ਇਹ ਸੁਵਿਧਾ ਪਿਛੜੇ ਪੈਂਰੀ ਪਿੰਡਾਂ 'ਚੋ ਵਾਪਿਸ ਹੋਣੀ ਸ਼ੁਰੂ ਹੋ ਗਈ ।
ਵੈਬ ਪੰਨਾ ******** ਹਮ-ਖ਼ਿਆਲੀ ਕਲਮਾਂ ਤੋਂ ************'ਤੇ ਆਪਜੀ ਦਾ ਸਵਾਗਤ ਹੈ - ਜਰਨੈਲ ਘੁਮਾਣ
